அத்தஹிய்யாத்தின் போது விரல் அசைப்பதற்கான ஆதாரம் மற்றும் விளக்கம் என்ன?

அத்தஹிய்யாத்திலே ரசூலுல்லாஹி (ஸல்) அவர்கள் விரல் அசைத்ததாக நஸாயீ போன்ற நூல்களில் ஆதாரப்பூர்வமான செய்தி வருகிறது. அந்த அடிப்படையில்தான் நாம் அத்தஹிய்யாத்தில் விரல் அசைக்கிறோம்.

இதில் அறிஞர்களிடையே கருத்து முரண்பாடு உண்டு; சிலர் இதை ழயீஃப் (பலவீனமானது) என்றும், பல அறிஞர்கள் இதை ஸஹீஹ் (ஆதாரப்பூர்வமானது) என்றும் கூறுகிறார்கள். எனவே, யார் இந்த ஆய்வில் பலவீனம் என்று கருதுகிறாரோ அவர் அசைக்க வேண்டியதில்லை, நீட்டிக்கொண்டிருக்கலாம். எவர் இதனை ஆதாரப்பூர்வமானதாகக் காண்கிறாரோ அவர் அசைக்க வேண்டும்.

எதற்காக அசைத்தார்கள் என்ற காரண காரியங்கள் ஹதீஸ்களில் வரவில்லை. இது வெறுமனே ஒரு வணக்கம்; ரசூல் (ஸல்) அவர்கள் எப்படிக் காட்டித் தந்தார்களோ அப்படிச் செய்தல் என்ற பகுதியோடு மட்டுமே இது சம்பந்தப்படுகிறது.