வங்கியில் வட்டிக்கு அடைமானம் (Mortgage) வைக்கப்பட்டிருக்கும் தங்க நகைகளுக்கும் ஸகாத் கொடுக்க வேண்டுமா?

ஆம், வங்கியில் அடைமானம் வைக்கப்பட்டிருக்கும் நகைகளுக்கும் கட்டாயமாக ஸகாத் கொடுத்தாக வேண்டும். ஏனெனில், அந்த நகை உங்களது சொத்தாகும்; அது உங்களுக்குத் திரும்பி வர வேண்டிய பொருளாகும். எனவே, ஸகாத் நிபந்தனைகளை அது அடைந்திருந்தால் கட்டாயம் அதற்கு ஸகாத் வழங்க வேண்டும்.

அதேவேளை, ஒரு வங்கியில் வட்டிக்கு நகையை அடைமானம் வைப்பது என்பது ஒரு பெரும்பாவமாகும். ஏனெனில், நீங்கள் வட்டி அடிப்படையிலான ஒரு கொடுக்கல் வாங்கலில் பங்கு கொண்டுள்ளீர்கள். எனவே, அந்த நகைக்கு ஸகாத் வழங்குவதோடு, அந்த வட்டிப் பரிமாற்றத்திலிருந்து அந்த நகையை விரைவாக மீட்பதற்கான முழுமையான முயற்சியையும் நீங்கள் மேற்கொள்ள வேண்டும்.