சாதிக்காயை (Nutmeg) பயன்படுத்துவது மார்க்கத்தில் ஆகுமானதா? இது போதைப்பொருள் என்று சொல்லப்படுகிறதே?

சாதிக்காயை பயன்படுத்துவதில் தவறு கிடையாது என்பதே சரியான மார்க்க நிலைப்பாடாகும். இதை போதைப்பொருள் என்று சில அறிஞர்கள் விமர்சிப்பது தவறான வாதமாகும். இது போதை ஊட்டக்கூடியதோ (முஸ்கிர்), மெய்மறக்கச் செய்யக்கூடியதோ (முஹத்திர்) அல்ல. மாறாக, அளவுக்கு மீறி சாப்பிடும் போது இது உடலுக்குக் கேடு விளைவிக்கக்கூடிய (முபத்திர்) ஒரு கலவையாக இருக்கலாம்.

உணவுகளில் வாசனைக்காகவோ, மருத்துவ காரணங்களுக்காகவோ ஏனைய கலவைகளோடு அளவாகப் பயன்படுத்துவதில் மார்க்க ரீதியாக எந்தத் தவறும் கிடையாது. சவுதி அரேபியா போன்ற நாடுகளில் கூட 20 சதவீதமான ஏனைய கலவைகளோடு கலந்து இது அனுமதிக்கப்பட்டுள்ளது. எனவே, அளவுக்கு அதிகமாகப் பயன்படுத்தி உடலுக்குக் கேடு விளைவிக்காத வரை, இதனை சாதாரணமாகப் பயன்படுத்துவதில் இஸ்லாமிய மார்க்கத்தில் தடையேதும் இல்லை என்பதே இதன் சட்டமாகும்.