இஸ்லாத்தில் கிப்லாவை முன்னோக்குவது என்பது சில குறிப்பிட்ட வணக்கங்களுக்கு நிபந்தனையாகவோ அல்லது சுன்னத்தாகவோ அடையாளப்படுத்தப்பட்டுள்ளது. குறிப்பாகத் தொழுகைகளுக்குக் கட்டாயம் கிப்லாவை முன்னோக்க வேண்டும். வேறு சில நற்காரியங்களுக்கு கிப்லாவை முன்னோக்குவது சிறந்தது என நபி (ஸல்) அவர்கள் காட்டித் தந்துள்ளார்கள்.
ஆனால், வுழூ செய்யும்போது கிப்லாவை முன்னோக்கித்தான் வுழூ செய்ய வேண்டும் என்று ரசூல் (ஸல்) அவர்கள் கட்டளையிட்டதாகவோ, அல்லது அவர்கள் அவ்வாறு செய்ததாகவோ எந்தவொரு ஹதீஸும் கிடையாது. சில அறிஞர்கள் வுழூவின்போது கிப்லாவை முன்னோக்குவது சிறந்தது என்று குறிப்பிட்டாலும், அதற்கு எந்தவிதமான தெளிவான ஆதாரங்களும் இல்லை.
எனவே, ஒருவர் வுழூ செய்யும்போது எந்தத் திசையை நோக்கியும் தாராளமாக வுழூ செய்யலாம். கட்டாயம் கிப்லா திசையை முன்னோக்கித்தான் வுழூ செய்ய வேண்டும் என்ற எந்த அவசியமும் மார்க்கத்தில் இல்லை.