மறுமையில் சுவர்க்கத்தில் ஆண்களுக்கு ஹூருன் ஈன்கள் கிடைப்பது போல, பெண்களுக்கு ஆண்களில் ஹூருன் ஈன்கள் கிடைப்பார்களா?

மறுமை மற்றும் சுவர்க்கம் போன்ற மறைவான விஷயங்களை அல்குர்ஆன் மற்றும் சுன்னாவில் உள்ளபடி மட்டுமே ஈமான் கொள்ள வேண்டும். சுவர்க்கம் செல்லும் ஆண்களுக்கு ஹூருன் ஈன் (சுவர்க்கத்துப் பெண்கள்) இருக்கிறார்கள் என்று குர்ஆனும் ஹதீஸும் தெளிவாகக் கூறுகின்றன. ஆனால், பெண்களுக்கு ஹூருன் ஈன் போன்ற ஆண்கள் இருக்கிறார்கள் என குர்ஆனிலோ ஹதீஸிலோ வெளிப்படையாகச் சொல்லப்படவில்லை.

எனினும், சுவர்க்கத்தில் மனிதர்களின் உள்ளங்கள் ஆசைப்படும் அனைத்தும் கிடைக்கும் என அல்லாஹ் வாக்களித்துள்ளான். அந்த அடிப்படையில், சுவர்க்கம் செல்லும் பெண்களுக்கு அவர்களின் மனம் திருப்திப்படக்கூடிய வகையில் மிகச் சிறந்த துணைவர்களை (கணவன்மார்களை) அல்லாஹ் தன் நீதியின் அடிப்படையில் நிச்சயமாக வழங்குவான்.