ஆதம் (அலை) அவர்களுக்கு முன்னதாகவே நபி முஹம்மத் (ஸல்) அவர்களை அல்லாஹ் படைத்துவிட்டானா? இதன் விளக்கம் என்ன?

ஆதம் (அலை) அவர்களுக்கு முன்னாலேயே ரசூல் (ஸல்) அவர்கள் படைக்கப்பட்டதாக இட்டுக்கட்டப்பட்ட சில செய்திகள் வருகின்றன. "நீ இல்லாதுவிட்டால் நான் இந்த உலகத்தையே (பிரபஞ்சத்தையே) படைத்திருக்க மாட்டேன்" என்றெல்லாம் செய்தி வருகிறது.

அதேபோல, ஆதம் (அலை) அவர்கள் ரூஹாகவோ அல்லது மண்ணாகவோ இருக்கிற நேரத்திலேயே நான் படைக்கப்பட்டுவிட்டேன் என்று சொன்ன செய்திகள் எல்லாம் வருகின்றன. இவை எல்லாமே இட்டுக்கட்டப்பட்ட பொய்யான செய்திகள் ஆகும். மனிதர்களில் முதலாவது படைக்கப்பட்டது ஆதம் (அலை) அவர்கள் என்பதை குர்ஆன் மிகத் தெளிவாகச் சொல்கிறது.