முஸ்லிம் அல்லாதவர்களுக்கு நன்மை செய்வதையோ அல்லது நேர்மையாக நடந்து கொள்வதையோ அல்லாஹ் குர்ஆனில் தடை செய்யவில்லை. எனவே அவர்களுக்கு வீட்டை வாடகைக்கு கொடுப்பதோ, நிலம் கொடுப்பதோ மார்க்க ரீதியாக தடை கிடையாது. அவர்கள் அந்த வீட்டில் இயல்பாக வாழ்ந்து தங்கள் மதத்தைப் பேணினால் அதில் நமக்கு எவ்விதக் குற்றமும் இல்லை.
ஆனால், அவர்களுக்குச் சிலைகளைச் செய்து கொடுப்பது, மார்க்கத்திற்கு முரணான விஷயங்களைப் பிரச்சாரம் செய்யும் இடமாகவோ அல்லது இஸ்லாம் தடுத்த ஹராமான வியாபாரம் செய்யும் இடமாகவோ அந்த வீட்டை/கடையை வாடகைக்குக் கொடுத்தால் நாம் அந்தத் தீமைக்குத் துணை போனதாகிவிடுவோம். அது கூடாது.
அதேநேரம், தவ்ஹீத் அடிப்படையில் வாழக்கூடிய ஒரு முஸ்லிம் சகோதரர் நியாயமான வாடகை தரத் தயாராக இருக்கும்போது, அவரைப் புறக்கணித்துவிட்டு முஸ்லிம் அல்லாதவர்களுக்கு மட்டுமே வீட்டை வாடகைக்கு கொடுப்போம் என்று விரும்பிச் செய்வது பிழையான அணுகுமுறையாகும். மற்றபடி, பொதுவாகச் சேர்ந்து வாழும் சமூகத்தில் கடைகனையோ வீடுகளையோ அவர்களுக்கு வாடகைக்குக் கொடுப்பதில் எந்தத் தடையும் இல்லை.