குழந்தைகளுக்குப் பெயர் வைக்கும் இஸ்லாமிய ஒழுங்குமுறைகள் என்ன?

இஸ்லாம் குழந்தைகளுக்குப் பெயர் வைப்பதில் சில அழகிய ஒழுங்குமுறைகளைச் சொல்லியிருக்கிறது:

1. ஷிர்க்கான பெயர்களைத் தவிர்த்தல்:
இணைவைப்பை (ஷிர்க்கை) உணர்த்தும் பெயர்களை வைக்கக் கூடாது. (உ-ம்: அப்துல் முத்தலிப், ஷாகுல் ஹமீது போன்ற பெயர்களைத் தவிர்த்து, அல்லாஹ்வுக்கு மட்டுமே அடிமை என்பதை உணர்த்தும் பெயர்களை வைக்க வேண்டும்).

2. கெட்ட அர்த்தம் தரும் பெயர்களைத் தவிர்த்தல்:
கெட்ட அர்த்தம் தரக்கூடிய பெயர்களை வைக்கக் கூடாது (உ-ம்: ஆமை, கரடி போன்ற அர்த்தங்களில் சில பெயர்களை வைப்பது). வெற்றி என்று அர்த்தம் தரக்கூடிய 'நஜாஹ்' போன்ற பெயர்களை நபி (ஸல்) அவர்கள் தவிர்க்கச் சொன்னார்கள் (காரணம், வீட்டில் வெற்றி இருக்கிறதா என்று கேட்கும்போது, இல்லை என்று சொல்ல வேண்டி வரும் என்பதால்).

3. அல்லாஹ்விற்கு விருப்பமான பெயர்கள்:
அல்லாஹ்விற்கு மிகவும் விருப்பமான பெயர்களாக அப்துல்லாஹ், அப்துர் ரஹ்மான் போன்ற பெயர்களையும், அதற்கடுத்து அல்லாஹ்வின் 99 திருநாமங்களோடு 'அப்து' எனச் சேர்த்து வைக்கும் பெயர்களையும் (உ-ம்: அப்துல் அஸீஸ், அப்துல் முஹைமின்) வைப்பது மிகவும் சிறந்தது.

4. நபிமார்கள் மற்றும் நல்லோர்களின் பெயர்கள்:
நபிமார்கள் மற்றும் நல்லோர்களின் பெயர்களைச் சூட்டுவது மிகவும் சிறந்தது (உ-ம்: இப்ராஹீம், ஈஸா, மூஸா போன்ற பெயர்கள்).

5. நல்ல அர்த்தமுள்ள பெயர்கள்:
நல்ல அர்த்தங்களை, ஆர்வத்தைத் தரக்கூடிய, அழகிய வார்த்தைகளைக் கொண்ட பெயர்களை வைப்பதை இஸ்லாம் வரவேற்கிறது.

பெயர் வைப்பதற்காக ஆலிம்களை அழைத்து வந்து ஏதேனும் வைபவம் செய்வது இஸ்லாத்தில் இல்லாத பித்அத் ஆகும். குழந்தை பிறந்தவுடன் தாராளமாக நாமே நல்ல பெயர்களைச் சூட்டிக்கொள்ளலாம். இதற்கென இஸ்லாத்தில் எவ்விதமான சடங்குகளும் கிடையாது.