குழந்தைகளுக்கு இரண்டு பெயர்களை ஒன்றாகச் சேர்த்து வைக்க முடியுமா?

குழந்தைகளுக்கு இரண்டு பெயர்களை ஒன்றாகச் சேர்த்து வைப்பது மார்க்க ரீதியாகத் தடை செய்யப்பட்ட ஒரு அம்சம் அல்ல. ஆனால் அது தேவையில்லாத, பொருத்தமற்ற ஒரு வேலையாகும். இரண்டு பெயர்களை வைத்து இரண்டையும் சொல்லி கூப்பிடப் போகிறோம் என்றால் பரவாயில்லை; ஆனால் நடைமுறையில் ஒரு பெயரை வைத்துத்தான் நாம் அழைக்கப் போகிறோம். அந்த மற்றொரு பெயர் பிறப்புச் சான்றிதழில் (Birth Certificate) மட்டும் அப்படியே தேங்கிவிடும். அப்படிப் பயன்படுத்தாத ஒரு பெயரை வைப்பதில் எந்தப் பிரயோஜனமும் இல்லை.

ஆரம்ப காலத்தில் பிள்ளையின் பெயரோடு தந்தையின் பெயரையோ அல்லது குடும்பப் பெயரையோ இணைத்து அழைக்கும் நல்ல வழமை இருந்தது. எனவே, இரண்டு பெயர்களை வைப்பது மார்க்கத்தில் தடை இல்லை என்றாலும், அது சமூக ரீதியாகவும் அறிவுப்பூர்வமாகவும் எந்தப் பிரயோஜனமும் அற்றது என்பதால் அதைத் தவிர்ப்பதே சிறந்தது.