கனவுகள் பற்றி இஸ்லாம் என்ன சொல்கிறது? தண்ணீரையும் மீன்களையும் அதிகம் கனவில் கண்டால் அதற்கு என்ன விளக்கம்?

கனவுகளை இஸ்லாம் மூன்று வகையாகப் பிரிக்கிறது:

• மனிதனின் அன்றாட எண்ணங்கள்: பகலில் நடக்கும் நிகழ்வுகள் மற்றும் மனிதனின் சிந்தனைகளின் வெளிப்பாடு.
• அல்லாஹ்விடமிருந்து வரும் நற்செய்தி: இது நபித்துவத்தின் ஒரு பகுதியாகும். அன்றாட வாழ்வில் மிகவும் உண்மை பேசுபவரின் கனவு பெரும்பாலும் உண்மையாகவே இருக்கும்.
• சைத்தானால் ஏற்படுத்தப்படும் கனவுகள்: சைத்தான் ஏற்படுத்தும் பயமுறுத்தும் கெட்ட கனவுகள் (உதாரணமாக: தலையை வெட்டுவது போன்ற கனவுகள்). இத்தகைய கனவுகளைப் பொருட்படுத்தக் கூடாது.

தண்ணீர், மீன் போன்ற குறிப்பிட்ட கனவுகளுக்கான தெளிவான விளக்கங்கள் மார்க்கத்தில் நேரடியாகக் கூறப்படவில்லை. தெளிவான, நல்ல கனவுகளாக இருந்தால் மட்டுமே அனுபவமிக்க மார்க்க அறிஞர்களிடம் அதற்கான விளக்கத்தைக் கேட்கலாம். நாமாகவே கற்பனை விளக்கங்கள் கொடுக்கக்கூடாது.