ஆண்கள் வைரம், மாணிக்கம் போன்ற ஆபரணங்களை அணியலாமா?

ஆண்களைப் பொறுத்தவரைக்கும் நகைகள் (ஆபரணங்கள்) அணிவது என்பது பெண்களுக்குரியதாகும். ஆண்கள் அணிவதாக இருந்தால் மோதிரம் மட்டுமே அணியலாம். அப்படி மோதிரம் அணிகிற நேரத்தில், அவர்கள் வைரத்தாலோ, மாணிக்கத்தாலோ, அல்லது வெள்ளியாலோ அதை அமைத்துக் கொள்வதில் மார்க்க ரீதியாக எந்தவிதமான தடையும் இல்லை.

ஆனால், பெண்களைப் போன்று கழுத்தில் மாலைகள் அணிவதையோ அல்லது கைகளில் காப்பு அணிவதையோ எந்தவொரு உலோகங்களாலும் (வைரம், மாணிக்கம் உட்பட) ஆண்கள் அணியக் கூடாது. அது மார்க்க ரீதியாக ஹராம்; காரணம் அதில் பெண்களுக்கு ஒப்பாகும் தன்மை இருக்கிறது.

மற்றபடி, வசதிக்கு ஏற்ப ஆடைகளில் மாணிக்கக் கற்கள், வைரக் கற்கள் பதித்து அணிவதற்கோ அல்லது அவற்றை மோதிரமாக அணிவதற்கோ இஸ்லாத்தில் எந்தத் தடையும் கிடையாது.