பெண்களைப் பொறுத்தவரை, அவர்களது தொழுகையில் முகம் மற்றும் முன் கைகளைத் தவிர உடலின் ஏனைய அனைத்துப் பகுதிகளையும் கட்டாயம் மறைத்திருக்க வேண்டும். அந்த அடிப்படையில், தொழும் போது பாதங்களும் முழுமையாக மறைக்கப்பட்டிருக்க வேண்டும்.
எனினும், கால்களை மறைப்பதற்காகக் கட்டாயம் காலுறை (Socks) தான் அணிய வேண்டும் என்ற எவ்வித நிபந்தனையும் மார்க்கத்தில் இல்லை. அவர்கள் அணியும் நீண்ட ஆடைகள் மூலமாகவோ அல்லது வேறு துணிகள் மூலமாகவோ பாதங்களை முழுமையாக மறைத்துக்கொண்டால் அதுவே போதுமானதாகும். தொழுகையில் நிற்கும் போது பாதங்கள் முழுமையாக மறைக்கப்பட்டிருக்க வேண்டும் என்பதே மார்க்கத்தின் கட்டாய வழிகாட்டலாகும்.
அதேவேளை, சுஜூது செய்யும் போது ஆடையின் அமைப்பு காரணமாக அடிப்பாதம் சிறிதளவு வெளிப்பட்டால் அது தொழுகையைப் பாதிக்காது; முற்றுமுழுதாக நின்ற நிலையில் பாதங்கள் மறைக்கப்பட்டிருக்க வேண்டும் என்பதே அவசியமாகும்.