ஃபர்ளு (Fard) மற்றும் வாஜிப் (Wajib) ஆகிய வார்த்தைகளுக்கு இடையில் மார்க்க ரீதியாக என்ன வித்தியாசம் உள்ளது?

''ஃபர்ளு'' என்றாலும் ''வாஜிப்'' என்றாலும் இரண்டும் ஒரே கருத்தைத் தரக்கூடிய, கடமையான அல்லது கட்டாயமான செயல்களைக் குறிக்கும் வார்த்தைகளாகும். உதாரணமாக, ஐவேளைத் தொழுகை கட்டாயக் கடமை என்பதை ஃபர்ளு என்றும் சொல்லலாம், வாஜிப் என்றும் சொல்லலாம்.

ஹனஃபி மத்ஹபினர் மாத்திரம் இந்த இரண்டு வார்த்தைகளுக்கும் இடையில் சிறிய வித்தியாசத்தைக் கூறுகிறார்கள். ஆனால், அதுவும் கடமை என்ற அடிப்படையில்தான் சொல்லப்படுகிறதே தவிர, நடைமுறையில் எந்தப் பாதிப்பையும் ஏற்படுத்தாது. எந்தச் செயல்களுக்கு ஃபர்ளு என்று பயன்படுத்த வேண்டும், எதற்கு வாஜிப் என்று பயன்படுத்த வேண்டும் என்று வரைவிலக்கண அடிப்படையில் அவர்கள் பிரிக்கிறார்களே தவிர, இரண்டுமே கட்டாயம் நிறைவேற்றப்பட வேண்டிய மார்க்கக் கடமைகளையே குறிக்கின்றன.