மனைவியை 'உம்மா', 'மம்மி' என்றும், கணவனை 'வாப்பா', 'டாடி' என்றும் செல்லமாக அழைக்கலாமா?

கணவன் மனைவியிடையே அன்பைப் பரிமாறிக்கொள்வதற்காகச் செல்லப் பெயரிட்டு அழைப்பது குடும்ப மகிழ்ச்சியை அதிகரிக்கும். மனைவியைத் தலாக் சொல்லும் நோக்கிலான 'ழிஹார்' (தாயின் முதுகுக்கு ஒப்பிடுதல்) அடிப்படையில் 'உம்மா' என அழைப்பது ஹராமாகும். அந்த நோக்கமின்றி அன்பின் மிகுதியால் மம்மி, டாடி, உம்மா என்று அழைப்பதில் குற்றமில்லை என ஷேக் உஸைமீன் (ரஹ்) போன்ற அறிஞர்கள் கூறியுள்ளனர்.

அபூதாவூதில் ஒரு மனிதர் மனைவியை "சகோதரியே" என அழைத்ததை நபியவர்கள் வெறுத்ததாக வரும் ஹதீஸ் பலவீனமானதாகும். எனினும், சில உலமாக்கள் சந்தேகங்களைத் தவிர்க்க இவ்வாறு அழைப்பதைத் தவிர்ப்பது நல்லது என்கின்றனர். ஒருவரையொருவர் சொந்தப் பெயரிலோ அல்லது 'உம்மு ஹுதைஃபா', 'அபூ ஹுதைஃபா' போன்ற புனைப்பெயர்களிலோ (குன்யா) அழைப்பதே மார்க்க அடிப்படையில் மிகச் சிறந்த நடைமுறையாகும்.