அறஃபா நோன்பு வெள்ளிக்கிழமை வந்தால் அந்த நோன்பை நோற்கலாமா? வெள்ளிக்கிழமை நோன்பு நோற்கத் தடையா?

வெள்ளிக்கிழமைக்குரிய சிறப்பைக் கருத்தில் கொண்டு, வெள்ளிக்கிழமை தனியாக நபிலான நோன்பு நோற்பதை நபி (ஸல்) அவர்கள் தடை செய்துள்ளார்கள். அவ்வாறு நோற்க விரும்பினால் வியாழன்-வெள்ளி அல்லது வெள்ளி-சனி என்று சேர்த்து நோற்குமாறு வழிகாட்டியுள்ளார்கள். இது பொதுவாக வெள்ளிக்கிழமையின் சிறப்பிற்காக நோற்கப்படும் நபிலான நோன்புக்கே பொருந்தும்.

ஆனால், ஒரு நாள் விட்டு ஒரு நாள் நோன்பு நோற்கும் பழக்கமுடையவருக்கு வெள்ளிக்கிழமை நோன்பு வந்தால் அவர் நோற்கலாம். ரமலான் நோன்பை வெள்ளிக்கிழமையில் கழா செய்வதற்கும் அனுமதி உண்டு. அதேபோல, அறஃபா நோன்பு வெள்ளிக்கிழமை வந்தால், அந்த அறஃபா நோன்பை வெள்ளிக்கிழமை அன்று நோற்பதில் மார்க்கத்தில் எந்தத் தடையும் கிடையாது; தாராளமாக நோற்றுக்கொள்ளலாம்.