வெளிநாட்டுக்கு மனைவியை தொழிலுக்காக அனுப்புவது பாதுகாப்பற்றது மற்றும் தவிர்க்கப்பட வேண்டியதாகும். தலாக் சொல்வது அல்லாஹ்வுக்கு விருப்பமில்லாத அனுமதிக்கப்பட்ட ஒரு விஷயமாகும். கணவனும் மனைவியும் சேர்ந்து வாழவே முடியாது என்ற நிலை வரும்போது தலாக்கின் மூலமோ குல்உ மூலமோ பிரிந்து கொள்வதில் மார்க்கத்தில் தடை இல்லை.
வெளிநாட்டில் இருக்கும் மனைவியை தலாக் சொல்வதாக இருந்தால், அவர் காதி நீதிமன்றங்கள் அல்லது ஜமாஅத்தாரிடம் சென்று தான் தலாக் சொல்லும் முடிவை உறுதிப்படுத்தி பதிவு செய்ய வேண்டும். அங்கிருந்தவாறே தொலைபேசி (Telephone) மூலமாகவோ அல்லது கடிதம்/எழுத்து மூலமாகவோ தன் மனைவிக்கு "உன்னை நான் தலாக் சொல்கிறேன்" என்று அந்த தலாக்கை எத்தி வைக்க வேண்டும். அவ்வாறு சொன்னால் தலாக் நிறைவேறிவிடும். அந்தப் பெண் அதற்குப் பிறகு இத்தா இருந்து, இத்தாவும் முடிந்துவிட்டால் கணவன்-மனைவி உறவு முடிவடைந்துவிடும். சட்டப்படி அறிவிக்கப்படும்போதுதான் அந்தப் பெண் வேறு ஒருவரைத் திருமணம் முடிப்பதற்கான வாய்ப்பு ஏற்படும்.