அப்துர் ரஹ்மான் (ரஹ்) அறிவிக்கின்றார்கள்: அடியான் எதைச் செய்தால் சுவனத்தில் நுழைவானோ அப்படிப்பட்ட ஒரு நற்செயலை எனக்கு அறிவியு‘கள் என நான் அபூதர் (ரலி) அவர்களிடம் கேட்டேன். அப்போது அவர்கள் (பின்வருமாறு) கூறினார்கள். இதுபற்றி நான் அல்லாஹ்வின் தூதர் (ஸல்) அவர்களிடம் கேட்டேன். அதற்கு அவர்கள் அடியான் அல்லாஹ்வை நம்பிக்கைக்கொள்ள வேண்டும் எனக் கூறினார்கள். நான் அல்லாஹ்வின் தூதரே! நிச்சயமாக! இறைநம்பிக்கையுடன் நற்செயலும் வேண்டுமா? எனக் கேட்டேன். அதற்கு அவர்கள் அல்லாஹ் தனக்கு வழ‘கியதிலிருந்து அவர் (தர்மம்) கொடுக்கட்டும் எனக் கூறினார்கள். அவரிடம் எந்தப் பொருளும் இல்லாமல் திவாலாகியவராக இருந்தால்? என நான் கேட்டேன். அதற்கு அவர்கள் தன் நாவில் அவர் நல்லதைக் கூறட்டும் என்றார்கள். நாவால் பேசமுடியாத ஊனமுற்றவராக அவர் இருந்தால்? என நான் கேட்டேன். அதற்கு அவர்கள் இயலாதவருக்கு அவர் உதவி செய்யட்டும் என்றார்கள். அவர் சக்தியற்ற பலவீனராக இருந்தால்? என நான் கேட்டேன். அவர் வெகுளியானவருக்கு உதவி செய்யட்டும் எனக் கூறினார்கள். நான் அவரே வெகுளியாக இருந்தால் எனக் கேட்டேன். நபி (ஸல்) அவர்கள் என்னை நோக்கித் திரும்பி, உன் தோழரிடம் நன்மையான காரியம் எதுவும் இல்லை என்று நீர் கூறினால் அவர் தன் நோவினை மக்களுக்குக் கொடுக்காமல் இருக்கட்டும் என்று கூறினார்கள். நான் அல்லாஹ்வின் தூதரே! நிச்சயமாக! இந்த வார்த்தைகள் (நல்லற‘களை) எளிதுபடுத்தக்கூடியதாக உள்ளது எனக் கூறினேன். அப்போது நபி (ஸல்) அவர்கள் என் உயிரை தன் கைவசம் வைத்திருப்பவன் அல்லாஹ்வின் மீது சத்தியமாக! ஒரு அடியான் அல்லாஹ்விடம் உள்ளதை நாடி இக்காரிய‘களில் எந்த ஒன்றைச் செய்தாலும் அந்தக் காரியம் மறுமை நாளில் அவருடைய கையைப் பிடித்துச் சென்று அவரை சுவனத்தில் நுழைவிக்காமல் இருப்பதில்லை எனக் கூறினார்கள்.