ஒரு வருடம் கடந்த பின், ஸகாத் கடமையான ஒரு தங்கத்தை ஸகாத் கொடுக்காமல் விற்றுவிட்டால், அதற்கு நாம் எப்படி ஸகாத் கணக்கிட்டுக

நீங்கள் அந்தத் தங்கத்தை விற்ற நாள் வரைக்கும், அது எத்தனை வருடங்கள் உங்களிடம் நிஸாப் அளவை தாண்டி (அதாவது 84/85 கிராம் அல்லது 10.5 பவுன் என்ற அளவைத் தாண்டி) இருந்ததோ, அத்தனை வருடங்களுக்கும் கணக்கிட்டு நீங்கள் ஸகாத் கொடுக்க வேண்டும்.

உதாரணமாக, ஒரு தங்கம் உங்களிடம் இரண்டரை வருடங்கள் இருந்திருந்தால், இரண்டு வருடங்களுக்கு நீங்கள் ஸகாத் கொடுக்க வேண்டும். இரண்டு வருடமும் 11 மாதமும் இருந்திருந்தால் இரண்டு வருடங்களுக்கு மட்டும் ஸகாத் கொடுக்க வேண்டும் (காரணம், இஸ்லாமிய சந்திர நாட்காட்டிப்படி 354 நாட்களில் தான் ஒரு வருடம் பூர்த்தியாகும்; எஞ்சிய மாதங்களுக்குக் கணக்கில்லை).

கணக்கீட்டு முறை என்னவென்றால், 10.5 பவுன் தங்கம் இருந்தால் 2.5 வீதம் ஸகாத் கொடுக்க வேண்டும். அதாவது 100 கிராம் தங்கம் உங்களிடம் இருந்தால் 2.5 கிராம் தங்கத்தை கொடுக்க வேண்டும். (40 கிராமுக்கு 1 கிராம், 80 கிராமுக்கு 2 கிராம், மீதி 20 கிராமுக்கு 0.5 கிராம்). எனவே விற்றுவிட்டாலும் கூட, அந்த குறிப்பிட்ட அளவு தங்கத்தையோ அல்லது அதன் பெறுமதியையோ கணக்கிட்டு நீங்கள் கட்டாயம் கொடுத்துவிட வேண்டும்.