விக்கிபீடியாவில் மார்க்கத்தைப் படிப்பதை முற்றுமுழுதாகத் தவிர்த்துக் கொள்வதே மிகவும் சிறந்ததும் பாதுகாப்பானதுமாகும். விக்கிபீடியாவில் இஸ்லாமிய வரலாறுகளோடு பைபிள் தகவல்களும் இணைத்துப் பதிவு செய்யப்பட்டுள்ளன. அதில் எழுதப்படுபவைகளுக்கு எவ்வித ஆதாரத்தன்மையும் இல்லை என்றால் "Reference இல்லை" என்று மட்டுமே குறிப்பிடுவார்களே தவிர, அந்த செய்திகள் இஸ்லாமிய அடிப்படையில் ஏற்றுக்கொள்ளப்பட்டவையா, அல்லது ஸஹீஹான (ஆதாரப்பூர்வமான) ஹதீஸ்களா, அல்லது பலவீனமானவையா (ழயீஃப்) என்பதையெல்லாம் அதில் ஒருபோதும் அறிய முடியாது.
மார்க்க ரீதியான அல்லது வரலாற்று ரீதியான தகவல்களைப் பெற விரும்பினால், நம்பகமான இஸ்லாமிய அறிஞர்கள் நிர்வகிக்கக்கூடிய அதிகாரப்பூர்வமான இணையதளங்களினூடாகப் படிப்பதுதான் மிகவும் பொருத்தமானது. இதனை விடுத்து விக்கிபீடியாவில் மார்க்கம் படித்தால், தவறான கொள்கைகளும் பிழையான வரலாறுகளும் மிக எளிதாக நமக்குள் நுழைந்துவிடும். பொதுவான உலக அறிவு (General Knowledge) சம்பந்தமான விஷயங்களுக்கு வேண்டுமென்றால் அதைப் பயன்படுத்திக் கொள்ளலாம்; அப்போதும் அதன் Reference பகுதியைக் கவனிப்பது அவசியமாகும். ஆனால் மார்க்க விஷயங்களுக்கு விக்கிபீடியாவை முற்றுமுழுதாகத் தவிர்ப்பதே மார்க்க ரீதியான நிலைப்பாடாகும்.