இஸ்லாமிய மார்க்கத்தைப் பொறுத்தவரை, பெண்கள் தங்களது முகத்தை மூடுவது கட்டாயக் கடமையா (ஃபர்ளு) அல்லது சுன்னத்தா (விரும்பத்தக்க செயலா) என்பதில் வரலாற்று ரீதியாக மார்க்க அறிஞர்களிடையே கருத்து முரண்பாடு இருந்து வருகிறது . இதில் முகத்தை மூடுவது கட்டாயக் கடமை என்ற கருத்து வலுவற்றதாகும்; மாறாக, முகத்தை மூடுவது மார்க்கத்தில் சுன்னத்தான ஒரு செயலாகும் .
ஒரு சுன்னத்தான செயலை ஒருவர் ஆரம்பித்துவிட்டால், அதனை எக்காலத்திலும் கைவிடவே கூடாது என்றோ அல்லது தொடர்ந்து செய்தே ஆக வேண்டும் என்றோ மார்க்கத்தில் எவ்விதக் கட்டாயமும் கிடையாது . உதாரணமாக, லுஹர் தொழுகைக்கு முன் நான்கு ரக்அத்கள் சுன்னத் தொழுபவர், சில வேளைகளில் அதனைத் தொழாமல் விட்டால் அவர் குற்றவாளியாக மாட்டார். அதுபோலவே முகத்திரையும் ஆகும் . பெண்கள் விரும்பினால் முகத்தை மூடிக்கொள்ளலாம்; தேவைப்படும் இடங்களில் (உதாரணமாக: செக்பாயிண்டுகள், மருத்துவமனைகள்) முகத்திரையை நீக்கிக்கொள்ள மார்க்கத்தில் பூரண அனுமதி உள்ளது .
சில பெண்கள் முகத்தை மூடுவது கட்டாயம் என்று உறுதியாக நம்பினாலும் கூட, தங்களுக்கு ஏற்படும் நிர்ப்பந்தமான சூழல்களில் முகத்திரையைத் திறந்துகொள்வதில் எவ்விதத் தவறும் இல்லை . எனவே, ஒருமுறை முகத்தை மூடிவிட்டால் இடையில் திறக்கவே கூடாது என்று கூறுவதற்கு இஸ்லாத்தில் எவ்வித அடிப்படையும் கிடையாது. தேவைக்கு ஏற்ப மூடிக்கொள்வதும், நிர்ப்பந்தங்களுக்கு ஏற்பத் திறந்துகொள்வதும் மார்க்க ரீதியாக அனுமதிக்கப்பட்டதே ஆகும் .