Cash Back (பணம் திரும்பப் பெறுதல்):
Cash Back என்பதைப் பொறுத்தவரை, நாமாக நமது சொந்தப் பணத்தைக் கொடுத்து ஒரு பொருளை வாங்குகிறோம், அதற்காக விற்பனையாளர் நமக்கு ஒரு குறிப்பிட்ட தொகையை (உதாரணமாக 1000 ரூபாய் கொடுத்தால் 50 ரூபாய்) திருப்பித் தருகிறார் என்றால், அதனை எடுப்பதில் மார்க்க ரீதியாக எந்தப் பிழையும் இல்லை. ஆனால் "இந்த கார்டை பயன்படுத்தினால் தான் Cash Back தருவேன்" என்று ஒரு நிபந்தனை வைக்கப்பட்டால், அந்த கார்டின் மார்க்க நிலைப்பாட்டைப் பொருத்தே தீர்ப்பு அமையும்.
Credit Card (கடனட்டை):
Credit Card அல்லது அரபியில் ''பிதாக்கத்துல் இஃதிமான்'' என்று அழைக்கப்படுவது முற்றிலுமாக வட்டியோடு தொடர்புடைய ஒரு ஹராமான முறையாகும். இது நமக்கு கடன் வழங்கும் உரிமையை அளிக்கிறது. 45 நாட்களுக்குள் கட்டினால் வட்டி இல்லை என்று கார்டு நிறுவனங்கள் கூறினாலும், இதில் இரு பெரும் மார்க்கத் தடைகள் உள்ளன. ஒன்று, நாம் உரிய நேரத்தில் கட்டத் தவறினால் வட்டி கட்டுவோம் என்று ஒப்பந்தத்தில் கையெழுத்திடுகிறோம். இரண்டாவது, நாம் ஒரு கடையில் 100 ரூபாய்க்குப் பொருள் வாங்கினால், கார்டு நிறுவனம் கடைக்காரருக்கு 97.5 ரூபாய் மட்டுமே வழங்கும்; மீதமுள்ள 2.5 முதல் 7.5 சதவீதத்தை வட்டியாக எடுத்துக் கொள்ளும். கடனாளிகளின் எண்ணிக்கையை அதிகப்படுத்துவதற்காக கார்டு நிறுவனங்கள் செய்யும் இந்த வட்டி வியாபாரத்திற்கு நாமே பிரதான காரணமாக (உடந்தையாக) அமைகிறோம். எனவே எந்தவொரு அதியுச்ச வாழ்வாதார நிர்ப்பந்தமும் இல்லாத நிலையில் Credit Card-ஐப் பயன்படுத்துவது ஹராமாகும்.
Debit Card மற்றும் சம்பள அட்டைகள்:
Debit Card (அல் பிதாக்கத்துல் முஃதாத்) என்பது வங்கியிலுள்ள நமது சொந்தப் பணத்தை நாமே பயன்படுத்துவதாகும். இதற்கு மார்க்கத்தில் எவ்விதத் தடையுமில்லை. தற்காலத்தில் சவுதி அரேபியா போன்ற நாடுகளில் Debit Card-களுக்கே Credit Card-ன் அனைத்து வசதிகளையும் (Online Purchasing, Ticket Booking etc.) கொடுத்து வழங்குகிறார்கள் (உதாரணம்: தஸவ்வுஃக் அல்-ராஜிஹி). இதில் கடன் வசதி ஏதுமிருக்காது; நமது பணத்தை மட்டுமே நாம் பயன்படுத்துவோம். இது பெயருக்கு Credit Card ஆக இருந்தாலும் நடைமுறையில் Debit Card என்பதால் இதைப் பயன்படுத்தலாம்.
கம்பெனிகள் வழங்கும் சம்பள அட்டைகளைப் பொறுத்தவரை, அது நமது சம்பளப் பணத்தின் எல்லைக்குள் (Limit) மட்டுமே செயல்படும் ஒரு Debit Card ஆக இருந்தால், அதைப் பயன்படுத்தி பொருட்கள் வாங்குவதும், Cash Back பெறுவதும் மார்க்க ரீதியாக ஆகுமானதேயாகும். ஆனால் உண்மையான கடன் வசதியைக் கொண்ட Credit Card-ஐ கம்பெனி வற்புறுத்தி வழங்கினால், மார்க்க அடிப்படையில் அதனை நாம் முற்றுமுழுதாகத் தவிர்க்க வேண்டும்.