ரசூலுல்லாஹி (ஸல்) அவர்கள் பொதுவாகத் தொழுகையிலே ஒரு ஸலாமும் கொடுத்திருக்கிறாங்க, ரெண்டு ஸலாமும் கொடுத்திருக்கிறாங்க. எனவே இந்த ஹதீஸ் ஜனாஸா தொழுகைக்கும் பொருந்தும். பொதுவாகத் தொழுகையில் ஒரு ஸலாமும், இரண்டு ஸலாமும் கொடுத்திருப்பதைப் போல, ஜனாஸா தொழுகையிலும் ஒரு ஸலாம் கொடுக்கலாம், இரண்டு ஸலாமும் கொடுக்கலாம்.
சுனனுல் குப்ராவில் வரக்கூடிய ஒரு செய்தியில், ரசூலுல்லாஹி (ஸல்) அவர்கள் ஜனாஸா தொழுகையில் ஒரு ஸலாம் கொடுத்ததாக நிரூபிக்கப்பட்டிருக்கிறது. மற்ற தொழுகைகளிலும் ஒரு ஸலாம் கொடுத்ததாக நிரூபிக்கப்பட்டுள்ளது. இரண்டு ஸலாம் ரசூல் (ஸல்) அவர்கள் பொதுவாக எல்லா தொழுகையிலும் கொடுத்திருக்கிறார்கள், எனவே அதுவும் ஜனாஸா தொழுகைக்கும் பொருந்தும். எவ்வாறு நாம் பல விஷயங்களை பொதுவான தொழுகையுடைய சட்டங்களிலிருந்து ஜனாஸா தொழுகைக்கு எடுக்கிறோமோ, அதே மாதிரி இந்த ஸலாமுடைய சட்டத்தையும் நாம் எடுக்கலாம். எனவே, ஒரு ஸலாம் அல்லது இரண்டு ஸலாம் கொடுப்பது மார்க்கத்தில் அனுமதிக்கப்பட்டதேயாகும்.