கணவனும் மனைவியும் வீட்டில் ஜமாஅத்தாகத் தொழும் போது, மனைவி எவ்வாறு நிற்க வேண்டும்?

ஜமாஅத் தொழுகையில் இருவர் தொழுதால், இமாமுக்கு வலதுபுறம் சற்றுப் பின்னால் மற்றவர் நிற்க வேண்டும். இப்னு அப்பாஸ் (ரழி) அவர்கள் நபிகளாருக்கு வலதுபுறம் நின்றதை ஹதீஸ்கள் உறுதிப்படுத்துகின்றன. மஹ்ரம் அல்லாத அந்நியப் பெண்கள் (அஜ்னபி) பின் வரிசையில்தான் நிற்க வேண்டும்.

ஆனால், மஹ்ரமான தாய், மனைவி, மகள், சகோதரி போன்றவர்கள் வலதுபுறத்தில் நின்று தொழக் கூடாது என்பதற்கு எவ்விதத் தடையோ ஆதாரமோ இல்லை. சில அறிஞர்கள் பெண்கள் என்றால் பின்னால் தான் நிற்க வேண்டும் என கூறினாலும், மனைவி கணவனின் வலதுபுறம் சற்றுப் பின்னால் நின்று தொழலாம் என்பதே மார்க்க அடிப்படையில் சரியான நிலைப்பாடாகும்.