தராவீஹ் தொழுகை எதுவும் தொழாமல், வித்ர் தொழுகையை மாத்திரம் ஒரு ரக்அத்தாகத் தொழலாமா?

ஆம், தாராளமாக ஒரு ரக்அத் மாத்திரம் வித்ர் தொழலாம். ரசூலுல்லாஹி (ஸல்) அவர்கள் "ஒரு ரக்அத்தைக் கொண்டு வித்ரு தொழுது கொள்" என்று கூறிய செய்திகளை நாம் பார்க்கிறோம்.

முஆவியா (ரழி) அவர்கள் ஒரு ரக்அத்தை கொண்டுதான் வித்ரு தொழுவார் என்ற செய்தி இப்னு அப்பாஸ் (ரழி) அவர்களிடத்திலே சொல்லப்பட்ட போது, "முஆவியா மார்க்க விளக்கம் உள்ளவர்" என்று கூறினார்கள். அதாவது முஆவியா (ரழி) அவர்கள் இப்படிச் செய்கிறார்கள் என்றால் அதில் மார்க்க அடிப்படை இருக்கிறது என்று விளக்கமளித்தார்கள். எனவே இந்த ஆதாரங்களின் அடிப்படையில், வித்ரை தாராளமாக ஒரு ரக்அத்தாக தொழுது கொள்ளலாம்.