இஸ்லாத்தை விட்டு வெளியேற்றக்கூடிய ஷிர்க்கான காரியங்களைச் செய்யக்கூடிய இமாம்களுக்குப் பின்னால் நின்று தொழுவது கூடாது. அத்தகைய இமாம் உள்ள பள்ளியில் ஜும்ஆவுக்கோ ஐவேளைத் தொழுகைக்கோ செல்லக் கூடாது; வீட்டில் தனியாகத் தொழுதாலும் பரவாயில்லை. அதேபோன்று, இஸ்லாத்தை விட்டு வெளியேற்றக்கூடிய பித்அத்துகளைச் செய்பவர் (உதாரணமாக: ரசூல் (ஸல்) அவர்களுக்குப் பிறகு ஒரு நபி வர முடியும் என்று கூறுபவர் அல்லது எல்லாப் பொருட்களிலும் அல்லாஹ் கலந்திருக்கிறான் என்று நம்புபவர்) இமாமாக இருந்தால் அவருக்குப் பின்னால் நின்றும் தொழக்கூடாது; தொழுதால் தொழுகை செல்லாது.
ஆனால், இஸ்லாத்தை விட்டு வெளியேற்றாத பித்அத்துகளைச் செய்யக்கூடியவர் (உதாரணமாக: மௌலித் ஓதுபவர், மௌத்தான வீட்டில் கத்தம் ஓதுபவர், ஃபர்ழான தொழுகைகளுக்குப் பிறகு குனூத் ஓதுபவர், மீலாது விழா கொண்டாடுபவர்) இமாமாக இருந்தால், அவர் செய்வது பித்அத் என்றாலும், அது அவரை மார்க்கத்திலிருந்து வெளியேற்றாது. எனவே, அத்தகைய இமாமுக்குப் பின்னால் நின்று ஐவேளைத் தொழுகை, ஜும்ஆ, பெருநாள் தொழுகை என அனைத்தையும் தாராளமாகத் தொழலாம்.