கையிலே உணவுத் தட்டை ஏந்திக்கொண்டு சாப்பிடலாமா?

பொதுவாக சாப்பாட்டு ஒழுங்குகள் பற்றி நபிகள் நாயகம் (ஸல்) அவர்கள் பல கோணங்களிலே நமக்கு கற்றுத் தந்திருக்கிறார்கள் [1]. அதிலே குறிப்பாக நின்று கொண்டு உண்பதை, குடிப்பதை அல்லாஹ்வுடைய தூதர் (ஸல்) அவர்கள் நமக்கு தடை செய்திருக்கிறார்கள் [1]. இடது கையினால் உண்பது, குடிப்பதை அல்லாஹ்வுடைய தூதர் மிக வன்மையாக கண்டித்திருக்கிறார்கள் [1]. சாய்ந்து கொண்டு, படுத்துக் கொண்டு சாப்பிடுவதை அல்லாஹ்வுடைய தூதர் (ஸல்) அவர்கள் நமக்கு தடை செய்திருக்கிறார்கள் [1]. அதே நேரத்தில் வலது கையால் சாப்பிடுவது என்பதை நமக்கு வலியுறுத்தி இருக்கிறார்கள் [1]. சாப்பிட உட்காருகிற போது ரசூல் (ஸல்) அவர்கள் மிக அடக்கமாக, பணிவாக உட்கார்ந்து கொள்வார்கள் என்பதையும் நாம் பார்க்கிறோம் [1]. ஒரு சஹனிலே (தட்டில்) சாப்பிடுகிற போது நமக்கு பக்கத்தில் உள்ளதை சாப்பிட வேண்டும் என்று சொல்லி இருக்கிறார்கள் [1].

இப்படி சாப்பாட்டின் ஒழுங்குகளை செய்ய வேண்டியவைகள், செய்யக்கூடாதவைகள் என்று ரசூல் (ஸல்) அவர்கள் நமக்கு அடையாளப்படுத்திய அதே நேரத்தில், கையிலே தட்டை ஏந்திக்கொண்டு சாப்பிடுவது பற்றி நமக்கு எதுவுமே சொல்லவில்லை [2]. எனவே இதிலிருந்து கையிலே தட்டை ஏந்தி கொண்டு சாப்பிடுவது என்பது மார்க்கத்தில் தடை செய்யப்பட்ட ஒன்று அல்ல என்பதை நாம் புரிந்து கொள்ளலாம் [2]. கையிலே தட்டை ஏந்தி கொண்டு வலது கையால் சாப்பிட வேண்டும் [2]. ஒருவர் வலது கையில் தட்டை ஏந்திக்கொண்டு இடது கையால் சாப்பிடுவாராக இருந்தால் அது கூடாது, அது ஹராமானது [2]. அப்படி இல்லாமல் இடது கையிலே தட்டை ஏந்திக்கொண்டு வலது கையால் அவர் சாப்பிட முடியுமாக இருந்தால் அது அவருடைய வசதியையும் விருப்பத்தையும் பொறுத்ததாகும், இதை மார்க்கம் தடை செய்யவில்லை என்பதை நாம் புரிந்து கொள்ள வேண்டும் [2].