குர்ஆன் ஹதீத் போஸ்டர்கள் அல்லது வீடியோக்கள் எடிட் பண்ணும்போது உருவப்படங்களை போட்டு எடிட் பண்ண மார்க்கத்தில் அனுமதி உண்டா

இன்றைக்கு பரவலாக பேஸ்புகளிலும் வாட்ஸ்அப்களிலும், பேனர்களாக, போஸ்டர்களாக வெளியிலும், பிளக்ஸ்களாகவும் விளம்பரப்படுத்தப்படுவதை நாம் பார்க்கிறோம் [1]. தாவா நிகழ்ச்சிகளுக்கான அழைப்புகள் விடும்போது அதோடு சேர்த்து பேசக்கூடியவருடைய புகைப்படம் பொறிக்கப்படுகிறது அல்லது சில நேரங்களிலே நல்ல குர்ஆன் வசனங்கள், ஹதீஸ்களை தேர்வு செய்து அதை உணர்த்துவதற்காக வேண்டி அதனோடு தொடர்புபப்படுவது போன்ற உருவப்படங்கள் பொறிக்கப்படுவதை நாம் பார்க்கிறோம் [1]. பொதுவாக உயிருள்ள உருவங்களை கைகளினால் வரைவது என்பது இஸ்லாத்தில் தடுக்கப்பட்டது என்பதில் கருத்து வேறுபாடு கிடையாது; அது ஏகோபித்த முடிவாகும் [1]. அதே நேரத்தில் போட்டோவை பொறுத்தவரையில், போட்டோ எடுப்பது தொடர்பாக இஸ்லாமிய அறிஞர்கள் மத்தியிலே கருத்து வேறுபாடுகள் இருக்கின்றன [1]. இந்த கருத்து வேறுபாட்டில் ஒரு சாரார் போட்டோ எடுப்பது நிர்பந்தமான நிலைமைகள் தவிர மற்ற சந்தர்ப்பங்களில் ஹராம் என்ற கருத்தை முன்வைத்து, அதற்கு ஆதாரமாக உருவப்படம் வரைவது தொடர்பாக வந்திருக்கக்கூடிய ஹதீஸ்களை எல்லாம் முன் வைக்கிறார்கள் [2]. இஸ்லாமிய அறிஞர்களில் ஒரு சிலர் கைகளினால் உருவப்படம் வரைவது ஹராம், ஆனால் போட்டோவின் மூலம் வரக்கூடிய உருவப்படங்கள் ஹராம் அல்ல என்கிற கருத்தை முன் வைத்திருக்கிறார்கள் [2]. இவர்கள் முன்வைக்கக்கூடிய வாதம் என்னவென்றால், போட்டோ என்பது கையோடு தொடர்பில்லாத ஒரு செயலாக காணப்படுவதனால், கண் செய்வது போன்ற ஒரு காரியத்தைதான் கேமரா செய்கிறது என்பன போன்ற சில வாதங்களை அவர்கள் முன்வைத்து இது கூடும் என்று சொல்கிறார்கள் [2]. கூடும் என்று சொல்லக்கூடியவர்களும், வீண் விரயமாக, அளவுக்கு அதிகமாக, எல்லை தாண்டிய நிலையில் இவ்வாறு செய்வதும், பெண்கள் தங்களுடைய புகைப்படங்களை எடுத்து வெளியிலே காண்பிப்பது போன்ற காரியங்களும் கூடாது என்பதிலே அவர்கள் உறுதியான நிலைப்பாட்டோடு இருக்கிறார்கள் [2]. ஆக, இது ஒரு கருத்து வேறுபாட்டுக்குரிய விஷயம் என்பது நமக்கு புரிகிறது [2]. எனவே, இந்த போஸ்டர்களில் உருவப்படங்களை தவிர்ப்பதுதான் சிறந்தது என்பதுதான் நம்முடைய நிலைப்பாடாக இருந்து கொண்டிருக்கிறது [3]. எனவே தாவா நோக்கத்தோடு போஸ்டர்கள் தயாரிக்கக்கூடிய சகோதரர்கள், அந்த போஸ்டர்களில் உருவப்படங்களை பொறிக்காமல் அந்த போஸ்டர்களை தயாரிப்பதுதான் ஆரோக்கியமானதும் பாதுகாப்பானதும் ஆகும் [3].