மரணித்தவர்களுக்காக நான் உம்ரா செய்யலாமா ?
📅 2023-10-06✍ Aasif
ஹஜ்
கேள்வி:
மரணித்த எனது நண்பருக்காக நான் உம்ரா செய்யலாமா ?
பதில்:
🎙️ ஷைய்ஃக் ஸுலைமான் அர்-ருஹைலி (ஹபீதஹுல்லாஹ்) கூறுகின்றார்கள்.
▪️ யாராவது முஸ்லிமாக மரணித்துவிட்டால், அவர்கள் உங்கள் நெருங்கிய உறவினராக இருந்தாலும் இல்லாவிட்டாலும் அவர்களுக்காக உம்ரா செய்யலாம்.
▪️ ஆனால் இவ்வாறு உம்ரா செய்யவேண்டுமென்றால் ஒரு நிபந்தனை இருக்கிறது.
▪️ அந்த நிபந்தனை என்னவென்றால், அவர்களுக்காக உம்ரா செய்வதற்கு முன் நீங்கள் உங்களுக்காக உம்ரா செய்திருக்க வேண்டும்.
▪️ மரணித்தவர்களுக்காக இவ்வாறு உம்ரா செய்ய யாருடைய அனுமதியும் தேவையில்லை.
▪️ மரணித்தவரின் குடும்பத்தார்கள் மற்றும் உறவினர்களிடத்தில் அனுமதி கேட்க தேவையில்லை.
▪️ அவர்களுக்காக உம்ரா செய்கிறோம் என்ற நிய்யத்தோடு உம்ரா செய்தால் போதுமானதாகும்.
▪️ உங்கள் குடும்பத்தார்களோ, நெருங்கிய உறவினரோ நண்பரோ மரணித்து இருந்தால், அதேபோன்று முஸ்லிமாக யார் மரணித்திருந்தாலும் நீங்கள் அவர்களுக்காக உம்ரா செய்யலாம்.
▪️ உதாரணமாக, பல நல்ல அமல்கள் செய்த ஒரு முஸ்லிம் மரணித்து விட்டார். உம்ராவின் மூலம் அவருக்கு நீங்கள் நன்மை செய்ய நினைத்தால், நீங்கள் அவருக்காக உம்ரா செய்யலாம்.
▪️ ஆனால் முன்பு கூறியது போல் உம்ராவை முதலில் உங்களுக்காக செய்திருக்க வேண்டும்.என்ற நிபந்தனை மட்டும் உள்ளது.
📽️அரபி மூலம் :
மொழிபெயர்ப்பு:கற்கைக்கூடம் Telegram Channel